Haliyah POV:
Masakit ang ulo at para bang mabibitak ito. Sa tuwing pinipilit ko na tumayo ay muli lang din akong mahihiga, dahil para bang babagsak ako sa sobrang sama ng aking pakiramdam. Ito na ata ang epekto sa akin ng nangyari kahapon. Okay pa naman ako kagabi paguwi namin dito sa mansyon. Nakakain pa nga ako. Sobrang gutom ko kasi at si Sir Rixon naman ay sila na daw muna ang bahala. Alam ko naman na hindi nila ito pababayaan. At ngayon ay dama ko na ang epekto ng maghapon na walang kain kahapon. Sinalat ko din ang leeg. At ang init ko. Idinilat ko ng bahagya ang aking mga mata. Sinilip ko si Ate sa higaan n'ya. Wala na ito. Kaya maaring tumutulong na ito sa kusina. Hinila ko ang kumot. Malamig ang aking pakiramdam. Kahit na sobrang init ko. Ipinikit ko na lang muli ang aking mga mat
