HINDI napigilang maiyak ni Penelope nang malaman niya ang totoong dahilan ng paglisan ni Phylbert sa bansa limang taon na ang nakararaan. Wala siyang kamalay-malay na may malubha palang sakit noon ang kaibigan at sumama ito kay Joaquin upang makapagpagamot. Muntik na pala itong nawala sa buhay nila. Maigi na lang at magaling na ito dahil hindi niya ma-imagine ang mundo na walang Phylbert.
Inimbitahan niya sina Phylbert at Jace na manuluyan sa bahay nila pagkagaling nila sa puwesto sa palengke. Masaya ang kanyang pamilya na makita uli si Phylbert. Hindi naman nagtanong ang kanyang mga magulang tungkol kay Joaquin. Noong una, madalas siyang tanungin ng mga magulang kung ano ang nangyari sa kanila ng binata. Gulat na gulat ang mga ito nang malamang naghiwalay na sila ni Joaquin. Hindi niya s
