NATANGGAL sa trabaho ang ama ni Penelope. Labis silang nanlumo na magkakapatid nang malaman nila ang tungkol doon. Iyon pala ang dahilan ng pagkabalisa ng kanilang mga magulang nitong mga nakaraang araw. Ang kanilang ama ang tumutustos sa pag-aaral nilang magkakapatid. Isang semestre na lang at magtatapos na ang ate niya. Nag-aalala ang nakatatandang kapatid dahil masyadong magastos ang huling semestre na iyon.
Akala ni Penelope ay doon na matatapos ang mga kamalasang nangyayari sa buhay niya, hindi pa pala. Nawala rin ang scholarship niya. Walang malinaw na dahilan, basta inalis lang sa kanya. Nais niyang magreklamo ngunit alam niya na wala ring mangyayari, walang magbabago. Alam niya na hindi ang dean na tiyuhin ni Ciara ang dahilan ng pagkawala ng scholarship niya. Alam niya kung sino
