ELLIE’S POV
MAGDAMAG na akong hindi nakatulog. Mahirap din kasing makatulog dito sa gymnasium. Madami din kasing lamok. Isa pa'y hindi rin kasi talaga ako dalawin ng antok sa dami ng iniisip ko. Ang dami naming problema at hindi ko na talaga alam kung anng gagawin ko.
Halos magdamag ding umulan kagabi. Napakalamig pero tiniis ko na lang.
Dahil hindi ako makatulog, binantayan ko na lang ang kapatid kong natutulog habang nakapatong ang ulo nito sa aking mga hita. Buti nabilhan ko pa siya kanina ng damit niya sa nadaanan naming puwesto kaya nakapagpalit pa ito. Wala kasi kaming tuyong damit dahil nabasa lahat ang mga yon kanina nang itapon yon ni Senyorito Hugo.
Ginamit ko nang pambili ang ibinigay ni Aling Rosie. Hindi ko naman kasi puwedeng pabayaan lang ang kapatid ko na basang-basa
