"KUMUSTA kayo dito, Nay? " maluha-luha kong tanong kay Nanay. Pansamantala itong nakakulong muna dito sa Santo Paulo. Pero sabi nito ililipat din daw siya sa siyudad.
Hindi nga lang nito alam kung kailan. Kapag inilipat na ito sa siyudad, baka hindi na namin siya madalaw doon at masyadong malayo. Wala din naman kaming pamasahe papunta roon.
Sana naman bago pa siya mailipta doon ay mapalaya na siya. Wala naman talagang siyang kasalanan. Siya pa ang nagdurusa ngayon sa kasalanan ng ibang tao. Sana lang talaga mahuli na ang totoong pumatay kina Senyor para mapagbayaran na niya ng maaga ang kahayupang ginawa niya.
Palaisipan din talaga sa akin kung sinong may gawa niyon? Ano kayang motibo niya? Ang lakas din talaga ng loob niya para pumatay. Hindi ba siya nakokonsensiya sa ginawa niya?
