MAINGAT akong umakyat sa papunta sa kuwarto ni Senyorito Hugo habang hawak-hawak ang tray ng pagkain na almusal niya. Tinatamad yatang bumaba kaya nagpahatid na lang. Si Nanay ang naghanda niyon at ipinaakyat lang sa akin dahil may trabaho pa siyang tinatapos. Siyempre hindi na ako tumanggi at paraan ko yon para makalapit kay Senyorito Hugo. Isa pa’y tapos na din naman yong trabaho ko kanina.
Huminga muna ako nang malalim bago ipinasyang kumatok. Pero nakailang katok na ako’y wala namang nagbubukas o sumasagot. Wala kaya si Senyorito sa loob?
Mabigat pa naman ang tray ng pagkain na dala ko. Napipilitang ibinaba ko muna yon saglit sa sahig at sinubukang pihitin ang door knob.
Click! tunog nun. Bukas naman pala. Pero medyo nag-alangan ako kung papasok ba ako o hindi. Sabi naman ni Nanay,
