ELLIE’S POV
“ANDIYAN na si baboy. Tumabi kayo baka mapitpit kayo!” narinig kong sabi nang isang estudyante pagkapasok na pagkapasok pa lang namin sa gate. Dinig ko ang tawanan at bulungan ng mga estudyante habang nakatingin sa akin. Hindi ko na lang pinansin yon at nagkunwaring walang narinig.
Kasama ko si Lira at Arra. Iisang secondary school lang pinapasukan namin. Graduating na sila samantalang ako’y isang taon pa ang babatakin ko bago makatapos ng high school. Pareho na silang magkokolehiyo sa susunod na taon at ako na lang ang maiiwang mag-isa dito. Dinig ko’y sa siyudad nila binabalak mag-aaral. Ibig lang sabihin niyon ay mapapalayo ako sa kanila.
Mula sa pagpasok sa umaga, pagkain sa lunch at maging sa pag-uwi sa hapon ay magkakasama kaming tatlo. Bagay na gustong-gusto ko nama
