NAKAYUKO ang ulo ko ng mga oras na yon. Kasalukuyan akong pinapagalitan ni Nanay dahil sa nangyari kanina sa kuwarto ni Senyorito Hugo. Sinabon din kasi siya nang binatang amo namin. Pati tuloy siya nadamay sa katangahan ko.
"Bakit ba kasi ang tigas nang ulo mong bata ka?" Nagpipigil si Nanay na sigawan ako. "Ilang beses na kitang binibilinan at pinagsasabihan, hindi ka marunong makinig. Simpleng bagay hindi mo magawa."
Nakagat ko ang pang-ibabang labi ko. Hindi lang ako kay Nanay hiyang-hiya kundi pati sa sarili ko. Ang dami na ngang pinoproblema ni Nanay tapos dumagdag pa ako.
"Pasensiya na talaga, Nay. Hindi na talaga mauulit," mababa ang boses na sabi ko.
"Makinig ka naman kasi sa akin kapag pinagsasabihan kita, anak. Baka sa susunod mapalayas na tayo."
Nakita kong napahawak s
