HUGO'S POV
PAAKYAT ako sa kuwarto ko ng makitang palabas din ng kuwartong ginagamit niya si Ellie. Nakabihis ito at mukhang may lakad.
Nang makita niya ako ay agad itong nag-iwas ng tingin. Sanay na ako sa ganu'ng gawi nito. Hindi naman ako tanaga para hindi maramdang iniiwasan niya ako.
"Aalis ka?" tanong ko nang matapat sa kinaroroonan niya.
"Oo," sagot nito na nakayuko habang isinasara ang pinto ng kuwarto.
Kumunot ang noo ko. Saan na naman kaya ito pupunta?
"Saan ang punta mo?"
Nag-angat ito ng tingin at tiningnan ako. "Dadalaw sa puntod ni Nanay. "
Natahimik ako sa tinuran nito. Ewan ko ba pero biglang umahon ang galit sa dibdib ko sa narinig ko. Para akong natauhan.
Oo nga pala. Ang bababeng nasa harap ko ngayon ay anak ng pumatay sa mga magulang ko. Nawala na sa isip
