ELLIE'S POV
"MA'AM dito na po tayo," makailang ulit na untag ng taxi driver sa akin ng makitang hindi pa rin ako bumababa.
"Sorry po," hingi ko ng paumanhin. Sumilip ako sa bintana. Ito na nga ang bahay ni Arra.
Iniabot ko ang bayad sa taxi driver saka mabilis na ding bumaba.
Hindi na ako nakilibing pa kay Ninong Arnaldo. Pagkagising ko kaninang umaga'y agad akong nag-ayos ng gamit at naligo. Gusto ko ng makabalik ng siyudad agad. Naiinis kasi ako sa Hugo na 'yon. Pero imbes na sa bahay niya ako umuwi, dito sa bahay ni Arra ako nagpahatid.
Dito muna siguro ako maglalagi ng kahit mga ilang araw. Ayaw ko munang umuwi sa bahay ni Hugo. Hindi ko maatim makita ang pagmumukha niya. Nabubuwiset talaga ako sa kanya.
Gusto ko munang malayo sa kanya para hindi muna makarinig ng mga pang-i
