ELLIE'S POV
NAPALINGON ako sa pinto ng makarinig ng mararahang katok mula roon. Katatapos ko lang maligo at kasalukuyang nagsusuklay ng buhok ng mga oras na 'yon.
Tumayo ako at lumapit sa pinto para buksan 'yon. Si Ate Belinda ang nakita kong nasa labas. Bitbit nito ang bag at maleta ko.
"Ito po 'yong mga gamit niyo, Ma'am," magalang nitong sabi. "Ipinapabigay po ni Sir."
'Buti naalala pang kunin ang mga ito' sa isip-isip ko.
"Salamat," nakangiting sabi ko saka kinuha ang mga 'yon sa kanya at ipinasok sa loob.
Pagbalik ko sa pintuan ay naroon pa rin ito.
"May kailangan pa po ba kayo?" nakakunot ang noong tanong ko.
"Pinapababa po kayo ni Sir, Ma'am. Maghahapunan na daw po kayo-"
"Sabihin niyo po sa kanya hindi pa ako nagugutom. Mamaya na lang po ako kakain," maagap kong sabi
