PAGKAPASOK NAMIN SA malawak na kainan, agad akong sinalubong ng mabangong amoy ng bagong lutong adobong baboy at mainit na sinabawang ulo ng isda na may maraming luya at malunggay. Dumadaloy sa malalaking bintana ang malamig na simoy ng hangin mula sa dagat. May mahabang mesa sa gitna at may palamuting mga bulaklak na kulay dilaw at kahel. Napakaganda lang tingnan sa mga mata.
“Ang bango!” hindi ko napigilang sambitin. Kumakalam na ang sikmura ko sa amoy pa lang niyon. “Pa, ikaw po ba ang pumili ng mga ulam?”
Ngumiti si Papa Alejandro habang marahang umuupo. “Oo, anak. Gusto jo lang na matikman mo ang mga paborito ko. Noong bata pa si Fernando, ako ang madalas magluto ng ganitong adobo.”
Napatawa si Papa Fernando na kasunod naming pumasok. “Adobo? Tito, sabihin mo na, si Yaya ang laging
