LIMANG ARAW NA ang lumipas simula noong harapan kong tinanong si Papa tungkol sa kaugnayan ni Don Alejandro kay Mama. Wala akong nakuhang sagot sa kaniya noong araw na iyon at pilit kong tinanggap iyon. Kahit gigil na akong malaman ang totoo, sinunod ko na lang ang payo ng bunsong kapatid ko. Hindi ako nagpadala sa emosiyon ko. Hindi ko na kinulit si Papa. Kami na lang ang gagawa ng paraan, pero naghanap lang kami ng pagkakataon kung kailan gawin dahil pareho kaming abala sa mga buhay. Siya sa pag-aaral at ako naman sa trabaho.
Mahirap din kasi mag-imbestiga kung wala kaming sasakyan. Mapapagod lang kaming pumunta sa kung saan-saan. Gusto ko sanang lumapit kay Aquilles, pero natatakot akong baka pagmulan na naman namin ito ng away ni Papa.
Dahil ayaw ko sa gulo, mas pinili kong hayaan m
