“Carl Wayne!”
Gusto kong lumundag upang yakapin siya ng mahigpit dahil ilan buwan din akong nanabik na makasama sila ni Charlie.
Kaytagal kong inasam na muli silang makita at makapiling. Walang oras na dinadalangin kong makasama silang muli.
“Baby girl...”
Nabanaag ko sa mukha niya ang matinding kalungkutang pinagdaanan at tila wala na yata siyang panahon pa na ayusin o ahitin man lang ang mga bigoteng nagkalat.
Nakadama tuloy ako ng habag sa kaniya at gusto ko na siyang yakapin upang muling madama ang init ng kaniyang pagmamahal.
“C-Carl W-Wayne...” naluluha kong turan.
Agad siyang tumakbo palapit sa kinauupuan ko at mahigpit niya akong niyakap katulad ng madalas niyang gawin sa tuwing magkasama kami.
“Baby girl...”
Naramdaman ko ang labis niyang pananabik sa’kin nang yakapin n
