“Are you ready?” tanong ko kay Marco.
“I’m always ready, Dude!” mayabang nitong tugon.
“Tsk!” Matapos ko siyang dibdiban, lumapit ako sa aking asawa na masayang nakamatyag sa aming dalawa ni Marco.
“Mag-iingat kayong dalawa ha,” malambing niyang wika saka inayos ang kwelyo ng suot kong polo shirt.
Kinabig ko siya palapit sa’kin saka kinintilan ng halik sa kaniyang labi. Ayoko pa sanang tapusin ang halikang iyon ngunit tinawag na ako ni Marco.
“Mamaya mo na ipagpatuloy iyan sa pagbalik natin at tumatakbo ang oras!”
Pinagmasdan ko ang kaakit-akit na mukha ng aking asawa saka matamis na ngumiti sa kaniya.
“I love you!” malambing kong anas.
Mahigpit na yumakap siya sa’kin kasabay nang paulit-ulit niyang paghalik sa pisngi ko.
“Maghihintay ako sa pagbabalik niyo ni Marco. Paglulutuan
