Natanggal na ang kaba ni Mark ng mawala na rin sa wakas ang pamumula ng kanyang mga mata. Nang makapag hilamos na siya ay naisip niyang isabay na ang pagligo niya para makapunta siya ng maaga sa bahay ng tiyahin ni Tricia. Nais niyang magpasama sa dalaga sa pamimili ng kanyang mga bagong susuotin na damit. Aminado naman si Mark na kaunti lamang ang nadala niyang damit ng lumipat ito sa lumang bahay at sapat lang ang mga ito para sa isang linggong suotan. Depende na lang kung masipag siyang maglaba ng damit niya araw-araw.
Pagkatapos niyang maligo ay nagluto muna siya ng kanyang agahan. Nang makapagluto siya ng kanyang agahan ay inilagay na muna niya ang lahat ng kanyang niluto sa may lamesa. Nagtungo muna siya sa kwarto para magbihis. Malimit niyang sinusuot ay ang mga damit na walang man
