Nang makapag plano na siya ng gagawin niya kinabukasan kasama ang kaibigan na si Tricia ay nagpalit na ito ng pantulog niya at niligpit na ang ilang gamit niya na nakakalat sa kanyang silid. Nang makaramdam na siya ng antok ay kaagad naman itong nakatulog. Sa lalim ng kanyang pagtulog ay muli siyang nanaginip ng hindi inaasahang pangyayari.
May kung ano sa panaginip niya na nagpabilis ng pagtibok ng kanyang puso kahit pa siya ay nasa gitna ng kasarapan ng kanyang pagtulog. Isang pamilyar na mukha at anyo ng kakaibang hayop ang kanyang nakikita sa panaginip. Isang malapit na tao ang nasa kanyang panaginip pero hindi niya ito masyadong maaninag. Habang nananaginip si Mark ay maririnig mo ang bawat pag-ungol niya. Halos habulin na niya ang kanyang hininga dahil lang sa kanyang napapanaginip
