"O, ano napawi na ba ang uhaw mo?"
Tumango-tumango naman si Mark kay Tricia. Pagkatapos niyang makainom ng tubig ay nakita na ng dalawa ang pabalik na mga pulis na humabol kay Sandro pero bigo silang maabutan ito.
"Ma'am, Sir. Sorry po, hindi po namin naabutan 'yung Sandro na sinasabi niyo po."
"Pabayaan niyo na lang po."
Tipid na sagot naman ni Mark sa mga pulis. Napakamot na lang ng ulo ang mga pulis sa tinuran ni Mark sa kanila. Pagkatapos ay isa-isa na silang bumalik sa sasakyan para tumuloy sa presinto. Dahil sa nangyari hanggang ngayon ay hindi pa rin makapaniwala si Mark sa kanyang narinig na sinabi ni Sandro nang makaharap niya ito sa may eskinita. Kung si Sandro nga talaga ang kanyang nakaharap kanina. Binuksan muna ni Mark ang bintana ng sasakyan para kahit paano ay makalangh
