"Anong wala? Naku! Tricia, sinasabi ko sa iyo."
"Ang alin, Tita Belen?"
Tiningnan na lang ng masama ng ginang ang kanyang pamangkin. Sa pag-aakala na may nangyari na nga sa pagitan ng kanyang pamangkin at ng kaibigan niyo na si Mark. Ilang beses din itong napabuntong-hininga habang palakad-lakad sa pasilyo ng kanilang bahay. Nakutuban naman kaagad ni Tricia kung ano ang iniisip ng tiyahin nito tungkol sa kanila ni Mark. Kaya tumayo ito sa sofa para lapitan ang tiyahin at kausapin ito tungkol sa kanyang iniisip.
"Tita Belen, tumigil nga po kayo sa kalalakad diyan. Nakakahilo na po kayo, eh."
"Tumigil ka nga riyan, Tricia at huwag mo nga akong pakialaman sa ginagawa ko. Ikaw lang itong iniisip ko, eh."
"Tita, kung ano man po 'yang iniisip niyo ay maling-mali po kayo ng akala. Wala naman
