"Uy, Tricia! Ano ba? May problema ba? Halika ka nga rito sa tabi ko. Sumakit lang ang ulo ko ulit ay natakot ka na naman. Bakit na naman ba?"
Dahan-dahang lumalapit si Tricia kay Mark na animo'y may kinatatakutan ito. Naisip na lang niya na kapag nahalata siya ng kaibigan na may kinatatakutan siya ay baka makadagdag pa ito sa iindahin ni Mark kaya kahit natatakot siya ay pinilit na lang niyang magkunwari na hindi siya takot.
"Ha? Ako natatakot? Saan at ano naman ang dapat kong katakutan?"
Pagsisinungaling na wika ni Tricia habang lumalapit siya sa kaibigan. Huminga muna ito ng malalim saka niya sinubukang tingnan ang sungay sa noo ng binata. Nanlaki ang mga mata ni Tricia dahil ni isang maliit na bakas ng sungay ay wala na itong makita. Kaya nagawa na niyang ngumiti habang papalapit ito
