Habang nakayuko si Mark sa upuan ay maluha-luha na ito sa inis. Hindi na niya alam ang kanyang gagawin. Kung sakali nga na makaharap na niya si Tricia sa labanan ay makaya kaya niya itong patayin kapalit ng kanyang marka? Ano kaya ang mas matimbang sa kanya. Ang pagmamahal niya ba sa kanyang mga magulang o ang pagmamahal nito sa kaibigan. Pero walang kaalam-alam si Mark na ang tinutukoy sa itim na libro ay ang matandang lalaki na lagi niyang nakikita sa ilalim ng puno at hindi ang kaibigan nito na si Tricia.
Sa kalagayan niya ngayon ay paano pa niya mapupuntahan ang kaibigan para maipaliwanag sana ang lahat ng nangyayari sa kanya ng mga nakaraang araw. Alam naman niya sa puso niya na kahit na ano pa ang maging anyo niya ay kaya siya tanggapin ni Tricia at alam din niyang hindi siya kayan
