"Ninang, marami po kasing bagay na hindi po namin kayang sabihin sa inyo sa ngayon."
"Katulad ng ano, Tricia? Sabihin mo na kasi sa akin para paniwalaan ko kayo ng kaibigan mo."
"Ninang–"
"Ano? Paano ko paniniwalaan ang mga pinaggagawa ng kaibigan mo kung ikaw mismo ay naglilihim sa akin. Tricia, parang anak na rin ang turing ko sa'yo alam mo 'yan."
"Opo. Alam ko naman po iyon, ninang. Pero hindi naman po ako ang may kontrol ng lahat. Hayaan niyo po kapag handa na po ang kaibigan ko na sabihin sa inyo ang lahat-lahat ay babalikan po namin kayo."
"Babalikan? Bakit hindi niyo pa ba tatapusin ang sinimulan ninyo? Paano na ang nawawalang katawan ng anak ko?"
"Iyon nga po ang dahilan, ninang. Sabi po kasi ni Mark kailangan daw po muna niya puntahan ang lugar kung saan makikita ang katawan
