Umiiling-iling pa si Tricia habang pabalik sila sa loob ng sala. Habang naglalakad ay napatingin ito kay Mark, maya-maya pa ay napasigaw ang dalaga at napaatras.
"M-Mark!"
"Uy! Bakit? Ano na naman ba ang nangyayari sa'yo?"
Sa sobrang takot ni Tricia ay hindi nito magawang tingnan ang kaibigan. Itinuro na lang nito kung ano ang kanyang kinakatakutan. Hindi naman siya maintindihan ni Mark, kaya hinatak na lang siya ng binata at sinampal ng mahina. At nang mahimasmasan na si Tricia ay bigla itong yumakap kay Mark. Pagkatapos ay nakapagsalita na ito ng mahinahon at kinwento sa kaibigan ang kanyang nakita.
"Mark, sa maniwala ka o hindi nakakatakot ang hitsura mo!"
"Ha? Ako? Paanong nakakatakot?"
"Pulang-pula ang buo mong katawan. May buntot at may sungay na mahaba."
"A-ano? Tricia, okay
