"Ha? Bakit mo naman ako pinababalik sa loob, Mark? May problema ba? Hindi ba dapat ay alam ko rin ang pag-uusapan ninyo dahil magkasama naman tayo sa pangangalap ng ebidensya?"
"Basta, pumasok ka na muna sa loob. Mamaya ko na lang sasabihin sa'yo kung ano ang napag-usapan namin. Okay?"
"Ganun? Sige, ikaw ang bahala. Pasok na ako sa loob."
"Sige, salamat. Bumalik ka na muna sa loob."
"Oo."
At nang makasiguro si Mark na nasa loob na ulit si Tricia ay humarap na siya sa mga pulis. Pero bago siya nakipag-usap sa mga ito ay muli niyang sinilip ang lalaki na nasa loob ng kotse. Laking gulat niya ng biglang naglaho si Sandro sa loob. Napabuntong-hininga siya ng makita niya na wala na ang lalaki na dahilan ng lahat. Lumapit siya sa isang pulis para mag-usisa.
"Sir, pwede po ba magtanong?"
"
