Mayroon pang liwanag nang makarating si Dianne sa kabilang barangay. Nag-tricycle siya papunta roon bitbit ang isang payong dahil sa pag-aalalang maabutan ng ulan sa daan pero nakarating siya doon na wala kahit ambon bagaman at tuloy-tuloy sa pagdilim ang langit. Habang nasa daan ay sinubukan niyang tawagan ang numero ni Luis pero nakapatay na naman iyon kaya naiinis na ipinasok na lang niya ang cellphone sa bag na bitbit na may laman ding bihisan at ilang kurtina na ikakabit doon sa bahay.
Bumalik ang lahat ng ala-ala niya sa magulang nang makapasok siya sa loob. Katulad ng sinabi ng dating may-ari ay hindi na nga inalis ng mga ito ang mga kagamitan sa loob ng bahay. Kinumpirma rin ulit iyon ng mga ito noong papaalis na sa pamamagitan ng text message na ipinadala sa kanya. Naroon ang so
