Mukhang minamalas nga akong talaga ngayon. Tumingin ako nang diretso sa mga mata ni Fire.
"So, ano 'yong dare mo?" matapang kong tanong sa kaniya.
Sandali niya akong tinitigan bago siya ngumisi nang kakaiba kasabay n'on ay ang pagpintig ng dibdib ko nang napakabilis. Lumunok ako nang bahagya habang pinagmamasdan ang pagbuka ng bibig niya.
"Simple lang, I want you to hold my hand again..." Huminto siya pansamantala at tumingin sa kamay kong mahigpit nang nakasarado. "... Ten seconds lang."
"Ayan na!" sigaw ni Rain na para bang siya ang hahawakan ko.
Bahagya akong natawa dahil sa reaksyon nila.
"Siguraduhin mo lang na hindi ka mahihimatay," walang emosyong sambit ni Light dahilan para mapangiwi si Fire sa kaniya.
"As if," sagot ni Fire sa kaniya.
Napangiti ako nang palihim kasabay n
