Habang papalapit siya sa akin ay ito rin ang pagbilis ng t***k ng puso ko. Hindi ko malaman kung ano ang mararamdaman ko sa mga oras na 'to. Hindi ko alam kung saan ba lulundag ang puso ko. Magkahalong takot at kaba ang bumabalot sa akin ngayon.
Ilang hakbang na lang ang layo niya sa akin at binibilang ko sa aking isipan ang mga yapak na pinakakawalan niya. Wala akong makita, tanging siya na lang sa mga oras na 'to. Nakakatawa kung paano niya nagagawang pahintuin ang mundo ko. Namamangha ako sa tuwing nakikita ko ang mga mata niya na labis na ipinapakita sa akin ang katotohanan, pero ngayon, tila naglaho na ang mga 'yon nang simulan kong titigan ang magkasalubong niyang kilay.
Nang tuluyan niya na akong marating ay pinayungan niya ako pero sa tingin ko, huli na 'yon at wala nang magagawa
