Paikot-ikot lang ako buong maghapon sa aking silid dahil hindi ko alam kung paano ko ba haharapin o pupuntahan si Fire nang walang kahit na anong hiya sa buo kong katawan. Gusto kong gawin sa kaniya ang lahat ng ginawa niya para sa akin. Gusto kong masuklian ang lahat ng 'yon sa abot ng aking makakaya.
"Pupuntahan ko ba siya o hindi? Aalis ba ako o hindi? Nakakainis! Hindi ko na alam ang gagawin ko!" sunod-sunod kong sigaw sa aking sarili dahil hindi ko na alam ang gagawin ko.
Gusto kong makita si Fire pero mukhang nakauwi na siya dahil ilang araw na rin ang lumilipas nang kausapin ako nina Light at Rain tungkol kay Fire. Hanggang ngayon ay pinag-iisipan ko pa rin ang lahat.
Hindi ko pa rin magawang makaisip ng isang matinong plano. Ilang araw na ako nag-iisip ng mga pakulo pero wala p
