"Okay lang, anak... dahil naiintindihan kita. Naiintindihan ko na may galit ka sa akin sa tinagal-tagal ng panahon na wala ako sa tabi mo. May karapatan kang magalit sa akin, may karapatan kang isisi sa akin ang lahat."
Nang marinig ko ang mga sinabi niya ay napailing ako. Ayaw ko nang ganito, ayaw kong marinig sa kaniya na ayos lang ang mga pinaggagawa ko dahil sa katunayan, kabaliktaran 'yon. Kahit kailan ay hindi naging maayos ang mga pinaggagawa ko sa buhay ko. Hindi okay 'yong mga binitiwan kong salita sa kaniya dahil sa mga bagay na hindi naman pala totoo.
"Ang mahalaga ngayon, nagkakaintidihan na tayo, nandito ka na sa tabi ko at mababawi na natin 'yong mga araw na hindi natin na-enjoy. Mahal na mahal kita, anak," nakangiti niyang sambit sa akin dahilan para umapaw ang galak sa ak
