Kabang-kaba kong hinarap sina Paradise at Heaven suot-suot ang isang pulang bestida. Hindi ko alam kung ano ang magiging reaksyon ko ngayon, panay ngiwi na lang ako sa kung anu-anong klase ng damit na pinasusuot nila sa akin.
Ito ang kauna-unahang date namin ni Fire kaya naman nagpatulong ako sa kanila na tulungan akong mag-ayos pero hindi ko naman inakalang ganito ang kalalabasan n'on. Kanina pa akong nagmimistulang isang manika sa paulit-ulit na pagpapalit ng bestida.
"Ano na? Hindi pa ba ayos 'yong mukha ko? Pangit pa rin ba? Maganda na ba?" sunod-sunod kong tanong sa kanilang dalawa na tingin lang nila ang tanging naging sagot.
"Pangit ba?" muli ko na namang tanong kasabay ng pagsimangot ng aking mukha.
Tila natauhan naman sila nang mapansin nilang hindi pa rin nila sinasagot ang
