Three days na kaming hindi tinatawagan ng kahit na sino para mag-perform. Ganito talaga kahirap kapag walang humahawak sa inyo. Ang kaso, ayaw kong magpa-kontrol sa kahit na sino. Ayaw kong maranasan nina Paradise at Heaven na higpitan sila kaya mas ayos na ako sa ganito.
Hindi na rin dumalaw o nangulit sa social media si Fire. Pakiramdam ko, nasaktan ko talaga siya nang sobra. Hindi ko alam kung ano ang gagawin ko, kung mag-so-sorry ba ako o hahayaan ko na lang na makaramdam siya ng galit dahil sa mga sinabi ko.
"Ayaw n'yo ba talagang magpahawak tayo sa mga may pangalan sa indutriya ng musika?" tanong ni Paradise dahilan para maagaw niya ang atensyon ko.
Nasa sofa kaming tatlo at nakahandusay lang. Wala kaming magawa ngayong araw. Hindi rin namin magawang lumabas dahil tinatamad kam
