Para akong sirang nakatulala lang buong maghapon. Gagawa sana kami ng kanta nina Heaven kaso lumulutang ang utak ko ngayon sa 'di malamang dahilan.
Hindi pa rin ako maka-get-over sa ginawa ni Fire nang araw na iyon. Pakiramdam ko close na close kami sa isa't isa na halos nakalimutan ko na ang mga rules ko.
"Wala ba tayong gig ngayon?" tanong ni Paradise habang nakalaylay ang katawan sa sofa.
Halatang tamad na tamad din siya ngayong araw. Kahit ako'y tinatamad din ako, pakiramdam ko pagod na pagod ako kahit na ilang oras na akong nagpapahinga. Bakit ba kasi ang lamig-lamig ngayon? Umuulan pa nang malakas, tuloy parang nakakatamad kumilos.
"Wala nga, e. Kung alam n'yo lang kung gaano ako nababagot ngayong araw. Gusto ko na lang tuloy kumanta," sagot ni Heaven kay Paradise habang sinu
