"Ayon ba talaga ang gusto mo?"
Hanggang ngayon ay paulit-ulit na lumalabas sa aking isipan ang huling sinabi ni Fire. Nakaramdam ako ng takot at kaba sa hindi malamang dahilan. Pakiramdam ko'y may kung ano sa pananalita niya na hindi ko maintindahan. Pakiramdam ko'y talagang may kakaiba.
Huminga ako nang malalim bago buksan ang gate. Nang tuluyan na akong makapasok sa loob ay naglakadako patungo sa pinto. Hindi ko alam kung bakit nanghihina ang mga paa ko ngayon, para bang gusto nitong balikan ang lugar kung nasaan si Fire.
Dahan-dahan akong napahinto at napatingin sa kabuuan ng bahay. Nasa-isip-isip ko na ayaw ko nang tumuloy pa dahil gusto kong balikan si Fire, gusto ko siyang makita at yakapin nang mahigpit, gusto kong bawiin ang mga salitang lumabas sa bibig ko.
"Fire," bulong ko
