"Saan mo ba gusto kumain?" tanong ko kay Fire habang nagmamaneho.
Kalahiting oras lang itinagal namin sa sementeryo. Nagsindi kami ng kandila at hinintay namin 'yong maubos. Gaya ng ginagawa ko noon, gano'n pa rin ang ginawa ko ngayon. Ang pinagkaiba lang ay may kasama na akong lalaki. Hindi na sina Heaven at Paradise. Kung sakaling buhay pa si Papa, baka pinagbantaan niya na ngayon si Fire.
"Kahit saan, mas gusto ko kasi 'yong luto mo," aniya dahilan para makaramdam ako ng kung ano na hindi ko mapangalanan.
Hindi na ako nakapagsalita pa dahil hindi ko rin naman alam ang isasagot ko sa sinabi niya. Nagkibit-balikat na lang ako at napabuntong-hininga bago muling itinuon ang atensyon sa kasada.
Mayamaya'y may nakita akong isang fast food chain. Agad kong ipinarada ang aking kotse sa
