"Batid mong maaari mong ikapahamak ang iyong ginagawa Dahlia, kaya't mabuti pang ngayon palang ay itigil mo na ito hanggat hindi pa nalalaman nina Ylang, Mela at ng iba pa lalong lalo na ang Inang Diwata."
"Ngunit hindi ko kayang malayo kay Abel Rosana. Mahal ko sya nag mamahalan kami," nanghihinang napaupo si Dahlia sa nakatumbang puno.
"Mas nilalagay mo sa kapahamakan ang taga lupang iyon, at inilalagay mo rin sa kapahamakan ang iyong sarili. Gumising ka nga Dahlia huwag mong sirain ang sagradong batas nating mga diwata."
Napaiyak si Dahlia habang pilit na pinapasok sa kanyang isipan ang nga sinabi sakanya ni Rosana. Tama ito, mapapahamak si Abel kapag pinilit nya pa ang bagay na hindi pwedi. Mas masasaktan lamang ang kanyang kasintahan kapag pinagpatuloy pa nila ang kanilang relasyon
