Katatapos lang naming kumain ng breakfast ni Caresse at naglalakad na rin kami ngayon papunta sa main door nitong mansion. Awtimatiko namang nahagip ng paningin ko ang wall clock sa gilid ng hallway na dinaraanan namin ngayon, mukhang tamang-tama lang ang oras ng pag-alis namin dahil alas otso y medya na ngayon ng umaga.
"Ano'ng oras ba makikipagkita sa atin 'yung Romeo?" naisipan ko namang itanong kay Caresse, bago ko siya tuluyang sulyapan.
"Ahm, ang sabi niya kasi sa akin ay mga around 10 a.m pa raw siya makakarating." Napatango-tango naman ako dahil mabuti na lang at masyado pa ngang maaga para makarating kami sa meeting place nila. Mabuti na lang at taga-rito lang din pala ang Romeo na 'yun sa Pasega City, kaya hindi na sila mahihirapan pang magkita ni Caresse, para pag-usapan ang
