"Ito na ba 'yun? Alice?" kaagad ko namang tanong sa kaluluwang si Alice, no'ng maramdaman ko na ulit ito sa tabi ko. Sinulyapan ko ito at sinalubong naman ako ng isang mapait na ngiti, bago tuluyang tumango sa akin at sumagot ng, "Diyan nga, d-diyan ako itinapon at itinago ng hayop kong asawa!" Hindi ko na lamang naiwasan ang makaramdam ng awa no'ng maramdaman ko sa boses niya ang sakit at hinagpis nito sa nangyari sa kanya. Ilang segundo lang at hindi na rin nito napigilan ang paghagulgol nang tuluyan, bago ito magbaling ng tingin sa lumang balon na nasa harapan namin ngayon.
Napabuntong-hinga na lamang ako bago ko ulit sulyapan si Jethro at maging siya ay nakatingin na rin pala sa akin ngayon. Marahan ko siyang tinanguan bago ako magsalita at magsabing, "We have to do something. Kailang
