"Let's eat," alok na sabi ko kay Jethro, na nakaupo lang din ngayon sa harapan ko. Pinagigitnaan kami ng isang lamesa, kung saan nakapatong sa ibabaw nito ang mga pagkaing in-order ko para sa amin. Mabuti na lang at hindi na ako natanggihan pa ni Jethro, no'ng ayain ko siyang kumain kami ng late lunch dito sa isang restaurant. Siguro ay dahil napagod din ito kanina at gutom na rin siya, kaya naman pumayag na lang itong sumama sa akin dito sa loob. Mabuti na lang din at hindi na nito ipinilit pang magbayad sa mga kakainin niya dahil sinabi ko na kaagad sa kanya na treat ko na ang lunch na ito, bilang pasasalamat man lang sa mga naitulong niya sa akin kanina.
Hindi ko na lamang naiwasan ang bahagyang mapanguso, no'ng makita kong nakatitig lang si Jethro sa mga pagkaing nasa harapan nito. Si
