Napabalikwas ako ng bangon dahil para akong hinigop pabalik sa reyalidad. Nakaawang lang ang bibig ko habang pinagmamasdan ang ibabang bahagi ng katawan kong nababalutan ng puti kong kumot. Malinaw na malinaw sa ala-ala ko ang mga nangyari, dinalaw ako nila Mom at Dad sa panaginip ko. Nangunot ang noo ko no'ng maramdaman ko ang mga likidong umaagos mula sa mga mata ko, kaagad ko namang pinahid ang mga ito kaya't nakita kong luha ang mga ito. Sa panaginip ko ay umiiyak ako kaya siguro ganito, may luha rin ngayon sa mga mata ko.
Napabuntong-hinga na lamang ako bago ako umalis sa kamang hinigaan ko at magpunta sa may banyo nitong kwarto ko. Pagkarating ko ron ay kaagad ko nang dinampot ang toothbrush ko at pinahiran ito ng toothpaste bago ko ito tuluyang ipangsipilyo. Nasa kalagitnaan ako ng
