"Pagkatapos ng kasal ni Kuya Abel doon sa babaeng napili ng mga magulang niya ay nabalitaan na lang namin ang tungkol sa pagkamatay niya."
Tahimik lang akong nakatingin sa harapan ng kalsadang minamaneho ni Jethro ngayon, habang paulit-ulit na naririnig sa isipan ko ang tungkol sa mga nasabi sa amin ni Mang Macario kanina. Awtimatiko namang nabaling ang tingin ko sa rear-view mirror nitong sasakyan dahil tulad ko ay nananahimik lang din ngayon si Jethro. Napabuntong-hinga na lamang ako ng mahina, no'ng makita kong tulala ito at parang focus na focus lang sa ginagawa nitong pagmamaneho. Alam kong medyo naguguluhan pa rin ito hanggang ngayon at gano'n din ako, hindi man lamang kasi namin nalaman ang dahilan kung bakit namatay na lang bigla si Abel Fuentabella, pagkatapos nitong maikasal sa
