Kasalukuyang nasa Maynila si Don Manuel. Kaagad siyang lumipad patungo roon pagkatapos siyang makatanggap ng tawag mula sa kaniyang private investigator. Iniwan niya muna kina Hubert at Zander ang tungkol sa training at seminar. Nagdahilan na lamang siya na aayusin niya ang iba nilang negosyo roon.
"Huwag po sana kayong mabibigla, Sir, sa sasabihin ko sa inyo," bungad sa kaniya ni Tony - ang private investigator na kinuha niya.
"Ano ang ibig mong sabihin, Tony?" tanong niya habang kinakabahan dahil sa tono ng pananalita nito.
"May nakuha po akong impormasyon tungkol sa taong pinapahanap niyo. At nakumpirma ko po kahapon na patay na po siya ilang buwan pa lang ang nakakaraan," wika nito na halos nagpalugmok sa kaniyang nararamdaman.
"A-anong sinabi mo? P-patay na si Rowena?" magkaka
