Nagising si Cassandra na nanlalambot ang kaniyang pakiramdam. Tiningnan niya ang kaniyang paligid. Hindi niya nakita si Hubert. Hindi rin niya alam kung ilang oras din siyang nakatulog. Nakita niyang may nakakabit na suwero sa kaniyang kamay.
"Kumusta na kaya si Sir Manuel? Tapos na kaya ang operasyon niya?" tanong niya sa kaniyang sarili.
Pinilit niya ang sarili na bumangon nang marinig niyang tumutunog ang cellphone ni Manang. Dahil sa nakapatong lang naman ang kaniyang bag sa kama ay muli siyang nahiga nang makuha iyon.
"Hello?"
"Hello, Cass? Si Chino ito. Kumusta ka na?" tanong ng nasa kabilang linya.
"Hi, Chino! Tapos na ba ang training mo?" tanong din niya sa kaibigan.
"Oo. Pauwi na kami mamayang hapon. Bakit ganiyan ang boses mo?" tanong nito sa kaniya.
"Nasa hospital
