"Mom, let's have breakfast na po," narinig ni Amanda na tawag sa kaniya ni Yvonne.
Ipinikit niya ang kaniyang mga mata at pasimpleng pinahid ang mga luha na pumatak dahil sa ginawa niyang pagbabalik-tanaw sa nakaraan nilang mag-asawa. Sa edad nilang ito ay hindi pa kasi alam ng kaniyang mga anak ang kanilang nakaraan. Ang alam lang ng mga ito ay pareho silang in love sa isa't isa ng kaniyang asawa.
"Hi, Yvonne," aniya na pilit na pinapasaya ang kaniyang mukha.
"What's wrong with that face, Mom? Umiyak po ba kayo?" tanong nito habang pinagmamasdan mabuti ang kaniyang mukha.
"Ano ka ba? Walang dahilan para umiyak ako," tugon niya saka tumawa pa ng bahagya para mapaniwala ang anak.
"Hmmm... Nami-miss niyo lang po si Daddy, eh," pang-aasar pa sa kaniya ni Yvonne.
Tuluyan naman siy
