WALANG nagawa si Mayella nang tuluyan na nga siyang hatakin ng nobyo sa dagat. Halos nasa kalahati na ng hita ni Mayela ang taas ng tubig ng pakawalan siya ng nobyo at parang bata ito na sinabuyan siya ng tubig dagat gamit ang mga kamay nito.
Tawa siya nang tawa habang ginagawa ng nobyo iyon sa kaniya kaya naman ginaya niya ito. Para silang mga bata na nagsabuyan ng tubig. Malayo sa kanilang kinapupwestuhan ang ibang mga nakalusong sa dagat, maging ang ibang mga kasalukayan mga nasa pampang lang na may mga kani-kaniyang grupo. Marahil iyon ay mga magkaka-pamilya o kaya ay grupo ng mga magkakaibigan. Malaya silang nagharutan pa na tila mga batang sabik sa tubig dagat.
Basang-basa na sila pareho. Wala siyang pamalit na damit pero dahil sinabi ni Coult sa kaniya na huwag niyang problemahin
