NARINIG ni Mayella ang ugong ng isang sasakyan at ng silipin niya iyon sa kanilang bintana ay nakita niyang ang sasakyan na ng nobyo iyon.
Ngayon gabi ang okasiyon sa mansiyon ng mga Pineda na sinabi ng nobyo sa kaniya. Ayaw nga niya kaya lamang ay wala naman siyang nagawa dahil nga natalo siya sa pik pak boom. Hindi na niya naitanong sa nobyo kung para saan ang okasiyon na iyon.
"'Nay!" tawag niya sa ina. Tumingin naman ito sa kaniya ngunit muling ibinalik ang paningin sa bintana. Nilapitan niya ang ina sa pahaba nilang upuang sofa na gawa sa kahoy. Umupo siya sa tabi nito para muling makuha ang atensiyon nito.
"Malamang si Coult na po iyan dumating 'Nay. Ibibilin ko po kayo kay Tita Jho bago kami umalis ni Coult. Nakapag-paalam na siya sa ina tungkol sa okasiyon na iyon sa mansiyon.
