"MANO po Inay." Inabot niya ang kanang palad ng ina at tsaka tumabi rito. Naratnan niya ang ina sa likod bahay nila kung saan ito nagpapalipas ng oras marahil sa paghihintay sa kaniya.
Nang dumating si Mayella ay sa bahay ng kaniyang Tita Jho niya muna siya dumiretso ngunit wala nga raw ito roon at hindi pa nga raw roon nagpupunta. Simula ng maging maayos ang ina ay hindi na sila masiyadong nag-aalala ng kaniyang Tita Jho sa kaniyang Nanay kahit mapag-isa na ito ngayon sa mismong bahay nila .
Nang makarating siya sa kanilang bahay ay hindi naman niya ito naratnan sa kanilang loob bahay. Wala rin ito saa kanilang silid tulugaan, kaya naisip niyang puntahan ang kanilang likod bahay at doon nga niya natagpuan ang ina.
"Inay pasensiya na po kayo at ngayon lamang po ako nakauwi. Roon na po
