Bandang hapon, hindi pa rin tumatawag si Jack kung gagabihin o hindi kaya napagdesisyunan kong magpasundo na lang sa driver namin.
"Mukhang hindi po kami madadaanan ni Jack, magpapasundo na lang po kami sa driver," sabi ko kay Mama.
"Mamaya na kayo umuwi kahit mga alas-sais ng gabi para dito na kayo maghapunan at ipapahatid ko na lang kayo sa driver," sabi ni Papa.
"Oo nga anak, isang oras lang naman ang biyahe pauwi sa inyo," sabi ni Mama.
" Okay po," sabi ko. Wala namang masama kung pagbigyan ko sila, aagahan na lang namin ang hapunan.
"Magpapaluto na ako para maaga tayong makapaghapunan," sabi ni Mama.
Habang naghihintay ng hapunan ay biglang tumawag si Jack. Mag-aalas singko na ng hapon at ngayon lang siya nakatawag.
"Babe, nandiyan pa kayo kina Mama?" tanong niya nung sagutin
