Arya’s POV
“Kanina ka pa tinatawag ni Tedson, hindi mo ba papansinin?”
Napalingon ako sa katabi ko nang magsalita ito. Siguro maging siya ay naririndi na sa malalakas na sigaw ni Tedson. Eh, paano? Nagsisigaw ba naman siya habang naglalakad kami at ang pangalan ko ang binabanggit niya.
Parang tanga!
“Arya! Bakit ba hindi mo ako hintayin? Bakit ba mas binibilisan mong maglakad, ha?” pagrereklamo niya. “Dati ka bang kabayo sa past life mo? Akala mo naman nakikipagkarera ‘yong tao sa ‘yo, eh.”
Hindi ko pa rin ito pinansin.
“Hayaan mo siya. Wala lang ‘yan maasar kaya ako ang kinukulit ngayon,” baling ko kay Cyfer.
Kanina pa kami sabay maglakad dahil hindi matigil-tigil ang usapan namin tungkol sa mga halaman at hayop na nadadaanan namin. Hindi ko alam na parehas pala kaming nature love
