Tedson’s POV
Trenta minuto na ang lumipas at nakalahati na rin namin ang daan papunta sa Puhon Falls. Medyo masakit na rin ang paa ko dahil sa pataas at mabatong daan gawa ng pagguho ng lupa tatlong taon na ang nakakalipas. Matagal na ang insidente na ‘yon at ‘yon ang dahilan kung bakit ngayon na lang ulit kami nakabalik dito. Kakabukas lang kasi ng Puhon Falls dahil sinigurong ligtas na ang bahaging ito ng bundok.
“Ang sakit na ng paa ko, Manong Luisito,” pagrereklamo ni James, ang binatilyo na trabahador sa plantasyon ng niyog. Siya rin ang madalas na kasa-kasama ni Manong Luisito sa hacienda at malapit na rin ito sa amin nila Keeion dahil sa pilyo nitong ugali na agad naming nagustuhan.
“Sabi ko naman sa ‘yo, huwag ka nang sumama dahil may katagalan talaga ang paglalakad papunta sa f
