Ellie’s POV
“Hoy, anong nangyari sa ‘yo?” Siniko ko si Arya habang magkatabi kaming nakaupo ngayon sa couch na nasa balcony ng second floor. Tanaw namin mula rito ang malawak na lupain ng hacienda. “Kanina ka pa walang imik diyan,” dagdag ko pa.
Nilingon ako nito. Tinapunan niya ako ng nagtatakang tingin. “Ha? Wala naman.”
Dahil hindi ako nakuntento sa sinagot nito sa akin, kinilatis ko siya sa pamamagitan ng pagbabasa sa kaniyang mga mata. Tinitigan ko ‘yon at ilang saglit lang ay agad umiwas ng tingin si Arya. Hindi niya nakayanan ang mga titig kong mapanuri.
“Sure kang wala? Bakit nababasa ko sa mata mo na mayroon?”
Marahan niya akong hinampas sa braso. “Gagi ka! Ano ka, eye reader?”
Humalakhak ito sa sarili niyang biro. Sinabayan ko naman ito sa pagtawa dahil maging ako, hindi ko
